PAALAM
Ni Misaki Mukaijo
Sa huling pagkakataong ika’y
masisilayan
Sa harap pa ng parihabang
iyong pinaglalagyan
Luhang dumaraos sa aking
mukha’y ‘di mapigilan
Hindi inaasahang araw na ito
ay darating kailanman
Habang ako ay nakatayo sa
iyong harapan
Ating mga alaala ay kay
sarap balikan
Tuwing ako’y may kailangan
ikaw ang tinatawagan
Sa bawat problema ika’y
aking sandigan
Kung isang dasal sa Diyos
ako’y gagawaran
Ako’y magsusumamong buhay
ika’y muling pagkalooban
Para sa huling beses ay
mayakap ang aming haligi ng tahanan
Isa pang pagkakataon upang
aking pagmamahal ay mapatunayan
Sa lalaking nilalaman ng
aking puso at isipan
Tandaan kailanman ika’y
hindi malilimutan
Kay lungkot mang isiping
ika’y makikita na lang sa larawan
Kung saan man tutungo,
sana’y kapayapaan ay makamtan
Comments